【親子共讀 - 小企鵝搭巴士 🐧🚌💨】
自從澄兄識坐，爸媽每星期都會有幾晚抱住佢講故事。到佢而家2歲，有時會主動拎圖書睇👨🏻🏫。
講咗好多次唔同/相同故事後，發現能夠互動既書最能夠引起澄兄興趣！只要發揮一下想像力，普通繪本都可以產生好多互動！
相信好多爸媽都講過「小企鵝搭巴士」，湜澄媽嘗試拍低我地講故事既過程，希望同大家分享一下。
其實每次講都會有新玩法新講法，因為小朋友成日都會留意到大人睇唔到既野！爸爸媽媽講同一本書都可以好唔同，澄媽從來唔睇文字，純粹看圖作文；澄爸就會跟著文字講，再加一d道理。
共讀「小企鵝搭巴士」50+次後，澄兄學識未到屋企唔可以按鐘！未睇之前佢站站都想按架！👍🏼👍🏼👍🏼👍🏼👍🏼👍🏼
各位爸爸媽媽，你地又會點樣講「小企鵝搭巴士」呢🤔？
如果想睇故事既互動相片，可以去：
https://www.mamibuy.com.hk/talk/article/72934
*平時講故事比較慢，所以將片段加速到1.5倍，不過都聽到重點既~
*由於媽媽著睡衣，所以朦畫面啦😛 不過都睇到我地既互動架～
Search